Бүгүн этиҥнээх ардах, инчэҕэй хаар түһэрэ күүтүллэр

Бүгүн, ыам ыйын 26 күнүгэр,  Мииринэй, Өлөөн, Эдьигээн оройуонун хоту өттүгэр быстахтык ардыаҕа, сорох сиринэн этиҥнээх ардах түһэрэ күүтүллэр. Хоту, хотугулуу-арҕаа сорох сиринэн кыралаан ардыаҕа, инчэҕэй хаар түһүөҕэ.

Эдьигээҥҥэ, Өлөөҥҥө этиҥнээх ардах түһэр кэмигэр сөкүүндэҕэ  15-20 м., Арктика кытылынан 19-24 м. түргэннээх тыал түһэрэ сабаҕаланар.

Салгын температурата күнүс +23+28°С, хотугулуу-илин +16+21°С, хотугулуу-арҕаа +7+12°С, соҕуруу  +12+17°С кыраадыс буолуоҕа.