Бүлүү оройуонугар киһи өлүүлээх суол быһылаана таҕыста

Ыам ыйын 13 күнүгэр 19 ч. 42 м. ИДьМ Бүлүүтээҕи салаатын дьуһуурунай чааһыгар, «Бүлүү» федеральнай суолга  Сосновка сэлиэнньэтин таһыгар суол быһылаана тахсыбытын, ханаабаҕа  Toyota Ipsum массыына сытарын туһунан иһитиннэрии киирбит.

Быһылаан тахсыбыт сиригэр Госавтоиниспиэксийэ үлэһиттэрэ тиийбиттэр.

Бэрэбиэркэ кэмигэр быһаарыллыбыта,  1991  с.т. суоппар Toyota Ipsum массыынанан «Бүлүү» суолунан айаннаан иһэн, 564 км. + 907 м.  уруулун кыайан туппакка, суолтан тахсан түҥнэстибит.  Ол түмүгэр,  суоппар ыар эчэйиини ылан, суһал көмө кэлэ илигинэ,  тыына быстыбыт.

Билигин туһааннаах суол быһылаанынан бэрэбиэркэ ыытыллар.