Бүлүүгэ сүгэнэн киһини өлөрүүгэ буруйдаах хаайылынна

Бэс ыйын 9 күнүгэр Бүлүү куоракка киһини өлөрүү түбэлтэтэ бэлиэтэммит. Буруйу оҥорууга уорбаланааччы, 35 саастаах куорат олохтооҕо, тутуллан хаайылынна диэн СӨ Борокуратуурата иһитиннэрэр.

Силиэстийэ быһаарбытынан, буруйданааччы Ленин уулуссатыгар баар гарааска 60 саастаах билэр киһитин кытта арыгы испит. Гараас хаһаайына ыалдьытын үүрэ сатаабытыгар, анарааҥҥыта кинини кырбаан, салгыы сүгэ угунан төбөҕө иккитэ охсубут. Эмсэҕэлээччи онно тута тыына быстыбыт.

Буруйданааччыны полиция үлэһиттэрэ буруй оҥоһуллубут сириттэн туппуттар. Кинилэр өлбүт киһи арыгынан сокуоннайа суох эргинэрин туһунан иһитиннэриини бэрэбиэркэлии сылдьыбыттар эбит.

Билигин холуобунай дьыала чэрчитинэн силиэстийэлиир үлэлэр ыытыллаллар. Буруйданааччы хаайыыга олорор.