Быыбар иккис күнэ өрө көтөҕүллүүлээхтик салҕанар

Дьон-сэргэ быыбарга көхтөөхтүк кыттар. Бүгүн, балаҕан ыйын 19 күнүгэр, бары быыбардыыр учаастактар үлэлэрин өрө көтөҕүллүүлээхтик саҕалаатылар.

Өрөспүүбүлүкэ хотугулуу-илин өттүгэр, бастакынан Абый, Аллайыаха, Үөһээ Халыма, Муома, Аллараа Халыма уонна Орто Халыма оройуоннарыгар быыбардыыр учаастактар аһыллыбыттара.

Бастакы күн туругунан, быыбарга кыттыы 23,72%. Куоластарын 153 573 быыбардааччы биэрбитэ бэлиэтэнэр.

—Саха сирин Киин быыбардыыр хамыыһыйатыгар быыбар сокуонун кэһии туһунан үҥсүү киирбэтэ, — диэн этэр СӨ Киин быыбардыыр хамыыһыйатын бэрэссэдээтэлэ Евгений Федоров.

Учаастактааҕы быыбардыыр хамыыһыйалар быыбардааччылары күүтэллэрин уонна куоластыырга пааспардарын илдьэ кэлэллэрин санаталлар.

«Быыбардааччылар убаастабыллаах биричиинэлээх буоллахтарына, учаастактааҕы быыбардыыр хамыыһыйаҕа дьиэҕэ куоластааһын туһунан сайабылыанньа түһэрэр бырааптаахтар. Сайабылыанньа балаҕан ыйын 20 күнүгэр олохтоох бириэмэнэн 14:00 чааска диэри ылыллар», — диэн Саха сирин Киин быыбардыыр хамыыһыйатыттан иһитиннэрэллэр.

Куоластааһын балаҕан ыйын 18-20 күннэригэр 08:00-20:00 ч. диэри ыытыллар. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.

Сиһилии: https://www.sakha.gov.ru/news/63626