Дьааҥылар окко субуотунньуктууллар

Сайыҥҥы халаан кэмигэр эмсэҕэлээбит Дьааҥы улууһугар ааспыт нэдиэлэҕэ ыытыллыбыт “Күүлэй-2026” кэнниттэн оттооһуҥҥа ылсан эрэллэр.  Ол курдук, аны окко субуотунньуктар саҕаланнылар.

— Атырдьах ыйын  13 күнүттэн оройуоммут улахан тэрилтэлэринэн окко субуотунньук саҕаланна. Онон икки нэдиэлэ устата чэппиэр, бээтинсэ, субуота аайы ходуһаларга тахсыахтара. Ити кэнниттэн атырдьах ыйын 23 күнүгэр түмүк таһаарыллыаҕа. Күн аайы субуокка курдук табылыысса оҥоруохпут. Табылыыссаҕа ханнык тэрилтэттэн төһө киһи кыттыбыта, субуотунньук кэмигэр төһө гектардаах сир охсуллан, мунньуллубута  барыта чопчуланыаҕа, — диэтэ улуустааҕы тыа хаһаайыстыбатын управлениетын салайааччыта Кэскил Ефимова.