Дьахталлар — эр киһи доруобуйатын туһугар

Нэһилиэнньэ доруобуйатын уонна ыарыыны сэрэтэр өрөспүүбүлүкэтээҕи киин иһитиннэрэринэн, Саха сиригэр “Дьахталлар эр киһи доруобуйатын туһугар” федеральнай бырайыак саҕаланыаҕа.

Бу бырайыак Арассыыйа кэккэ эрэгийиэннэригэр саҕаланна. “Уһун уонна көхтөөх олох” федеральнай бырайыак чэрчитинэн олоххо киллэриллэр бырайыак сыалынан-соругунан сүрэх-тымыр уонна ааһан-араҕан биэрбэт, уо.д.а. ыарыылары сэрэтии (чуолаан дьахтар  көмөтүнэн) буолар.

Ону сэргэ, эр дьону  бэйэ доруобуйатыгар эппиэтинэстээхтик сыһыаннаһарга, мэдиссиинэ чинчийиилэригэр уонна диспансеризацияҕа кыттарга көҕүлээһин — бырайыак сүрүн соруга.

Эр дьон доруобуйата демография туругар улахан суолталаах – эр киһи чэгиэн туруктаах буоллаҕына, дьиэ кэргэн бигэ туруктаах буолар.