Дьахтар эр киһитин быһаҕынан анньыбыт

Дьокуускай куоракка полиция отделын 4-с нүөмэрдээх дьуһуурунай чааһыгар  эр киһи   быһаҕынан анньыллан балыыһаҕа киирбитин туһунан иһитиннэрии киирбит.

Суһал-ирдиир үлэ кэмигэр холуобунай ирдэбил үлэһиттэрэ    эр киһини 39 саастаах дьүөгэтэ  быһаҕынан анньыбытын быһаарбыттар.

Быһаарыллыбытынан, дьахтардаах эр киһи арыгылаабыттар. Ол олорон иирсэн турбуттар. Айдаан кэмигэр эр киһи дьахтарын охсубут, онуоха биирэ быһаҕы сулбу тардан ылан түөскэ анньыбыт.

Билигин дьахтарга РФ Холуобунай кодексын  111 ыст.  2  ч.  («Умышленное причинение тяжкого вреда здоровью») холуобунай дьыала көбүтүлүннэ диэн ИДьМ Дьокуускайдааҕы салаатын пресс-сулууспата иһитиннэрдэ.