Дьахтар сымыйанан сир учаастагын атыылаан сууттанна

Дьокуускай куорат олохтооҕо дьиҥэ суох сир учаастагын атыылаабыт дьахтартан, 1,2 мөл. солкуобайы суутунан ирдээбит.

Эр киһи 2023 сыл алтынньытыгар Намныыр тракка баар сири 1,2 мөл. солкуобайга атыыласпыт. Онтон сыл аҥаара буолан баран, ол сири 1,5 мөл. солкуобайга атыылаабыт. Ол эрээри, кэлин суут  түһэрсиллибит сөбүлэһиини күүһэ суоҕунан билиммит.

Суутунан быһаарыллыбытынан, учаастак кадастровай учуокка туруоруллубатах уонна атын сир учаастага буолара биллибит. Ол түмүгэр, атыылаһааччы 1,5 мөл. солкуобайын төнүннэрэргэ күһэллибит.

Ити кэнниттэн кини суукка төлөөбүт 1,2 мөл. солкуобайын төрүөтэ суох түөкүннээбиттэрин туһунан суукка үҥсүү киллэрбит. Бастакы инстанциялаах суут ирдэбили толорбут, эбии бэрэстэбиитэл ороскуотугар 60 тыһыынча солкуобайы уонна 27 тыһыынча солкуобай судаарыстыбаннай пошлинаны, ону кытта харчынан туһаммытын иһин бырыһыанын киллэрбит.

Дьахтар быһаарыыны мөккүһэ сатаабыт: «атыылаһааччы учаастагы арендаҕа сылдьарын билэрэ уонна ЕГРН-тан сибидиэнньэни бэйэтэ бэрэбиэркэлээбэтэҕэ» диэн дакаастыы сатаабыт. Ол эрээри, Саха Өрөспүүбүлүкэтин Үрдүкү суута быһаарбытынан, атыыһыт баайы-дуолу дьаһайар сокуоннай бырааба суох, диэн Саха Өрөспүүбүлүкэтин Сууттарын холбоһуктаах пресс-сулууспата суруйда.