Дьахтар урукку күтүөтүн быһахтаабыт

Дьокуускайга полиция үлэһиттэрэ  балтын урукку эригэр ыарахан эчэтиини оҥорбут дьахтары буллулар.

Ис дьыала министиэристибэтин Дьокуускайдааҕы салаатын полиция 1 №-дээх  отделыгар  түөһүгэр быһаҕынан анньыллыбыт эр киһи көмө көрдөөн балыыһаҕа кэлбитин туһунан иһитиннэрии мэдиссиинэ үлэһиттэриттэн киирбит.

Холуобунай ирдэбил үлэһиттэрэ уонна ОБППСП полицейскайдара суһал-ирдиир  үлэ кэмигэр   буруйу оҥорууга   Муома улууһуттан төрүттээх 50 саастаах дьахтар уорбаланарын быһаарбыттар.

Быһаарыллыбытынан, уорбаланааччы урукку күтүөтүн кытта арыгы испит. Аһыы олорон оҕолорго алимент туһунан мөккүөр тахсыбытыгар, дьахтар балтын диэки буолбут. Кинилэр икки ардыларыгар тыл-тылга киирсибэккэ этиспиттэр, ол түмүгэр буруйданааччы утарылаһааччытын түөһүгэр быһаҕынан аспыт. Онтон дьахтар киниэхэ бастакы көмөнү оҥорбут, оттон эр киһи «Суһал көмөнү» ыҥырбыт.

РФ Холуобунай кодексатын 111 ыст. 2 ч. ыстатыйатынан холуобунай дьыала көбүтүлүннэ.