«ДальАрх-26». Эбии вебинар ыытыллыаҕа

Атырдьах ыйын 19 күнүгэр «ДальАрх-26» I Уһук Илин национальнай архитектурнай бириэмийэтин тэрийээччилэрэ кыттыыны ылыан баҕалаахтарга эбии вебинар ыытыахтара.

Онлайн-консультация атырдьах ыйын 6 күнүгэр буолбут бастакы вебинарга кыттыбатах дьоҥҥо, ону тэҥэ сайаапканы оҥорууга, номинациялары талан ылыыга уонна бырайыактары сыаналыыр критерийдэргэ ыйытыылаах кыттааччыларга анаммыт.

Онлайн-көрсүһүүгэ Уһук Илин уонна Арктика сайдыытын корпорациятын, СӨ Бырабыыталыстыбатын уонна «ЦЕНТР» стратегическай сайдыы ааҕыныстыбатын бэрэстэбиитэллэрэ кыттыахтара.

Вебинар Москва бириэмэтинэн 10:00 чааска саҕаланыа. Кыттар туһуттан атырдьах ыйын 18 күнүгэр 18:00 чааска (мск) диэри регистрацияны ааһаҕыт: https://forms.yandex.ru/cloud/6a7c29fe84227c1bc12bae2e/