Дьиэҕэ киирэн кырбаабыт

Саха сирин борокуратуурата биир олохтоох киһи холуобунай дьыалатынан бириигэбэри бигэргэттэ. Кини Арассыыйа Холуобунай кодексын 139 ыстатыйатын 2-с чааһынан (дьиэҕэ сокуоннайа суох киирии) уонна  111 ыстатыйатын 1-кы чааһынан (ыарахан эчэйиини оҥоруу) буруйданар.

Силиэстийэлиир үлэһиттэр этэллэринэн, 2025 сыл ахсынньытыгар буруйданааччы билбэт киһитин кытта төлөпүөнүнэн кэпсэтэн баран, кини дьиэтигэр тиийбит. Ол кэнниттэн киһи утарыласпытын үрдүнэн, иһигэр охсуолаан баран,  кыбартыыраҕа сокуоннайа суохтук киирбит.

Сокуоннайа суох дьайыыларын салҕаан, сууттанааччы эмсэҕэлээбит киһини төбөҕө хаста да охсубут. Охтон түспүтүн кэнниттэн, сытар киһи төбөтүн тэбиэлээн, улахан эчэйиини оҥорбут.

Борокуруор холуобунай дьыаланы суукка ыытта диэн СӨ Борокуратуурата иһитиннэрэр.