Дмитрий Садовников Дьокуускайга социальнай эбийиэктэри тутууну бэрэбиэркэлээтэ

СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников Дьокуускайга кэккэ социальнай эбийиэктэр тутуллуулураны көрдө.

Биир сүрүн эбийиэгинэн «Звезднай» түөлбэҕэ тутулла турар 315 миэстэлээх уһуйаан буолла. Билигин эбийиэккэ үлэ салҕанан бара турар, инженернэй ситимнэрин, түннүктэрин оҥороллор, дьиэ иһигэ үлэ ыытыллар.

«Звёзднай» түөлбэҕэ Дмитрий Садовников 990 миэстэҕэ суоттаммыт оскуолаҕа сырытта. Эбийиэк 79 бырыһыан бэлэм. Уунан, уотунан хааччыйыы ситимнэрин монтажтааһын салҕанар. Тулалыыр сирин-уотун тупсарыы ыытыллар.

Бастакы вице-премьер адаптивнай үөрэх комплексын бырайыагын олоххо киллэрии хаамыытын билистэ. Бырайыак бастакы түһүмэҕэ — 550 миэстэлээх оскуола үлэҕэ киирбитэ, 2025 сыл балаҕан ыйыттан үөрэнээччилэри ылар.

Иккис түһүмэххэ киирбит интэринээт уонна уһуйаан тутуутугар, бырайыактыыр докумуоннар ирдэбиллэригэр сөп түбэһэллэрин туһунан түмүк ылыллыбыт. Билигин сирин-уотун тупсарыы, үүнээйини олордуу үлэлэрэ түмүктэнэллэр.

Сиһилии: https://www.sakha.gov.ru/news/53525

СӨ Ил Дарханын уонна Бырабыыталыстыбатын пресс-сулууспата