Дьохсоҕон иистэнньэҥнэринэн киэн туттабыт

Тааттаҕа Дьохсоҕон нэһилиэгэр түмсүүлэр үлэлэрэ-хамнастара көхтөөхтүк салҕанар.

Ол курдук иистэнньэҥнэр үлэлэрэ элбэҕин ааһан, уран тигиилэринэн дьону-сэргэни үөрдэллэр. Маныаха кинилэргэ ыаллар ийэлэрэ, эбээлэрэ бэйэлэрин баҕаларынан иистэнэ, көмөлөһө кэлэллэрэ элбээн иһэр.

Былырыын «Манчаары оонньууларын» көрсө, ити курдук бары биир сүбэнэн көмөлөөн, улууска бэрт кичэллээхтик тигиллибит 50 олбоҕу бэлэх ууммуттара.

Маннык таһаарыылаахтык үлэлии олорор Ючюгяева Клара Егоровна салайааччылаах «Иистэнньэҥ эбээлэр» түмсүүлэрэ тэриллибитэ быйыл 15 сыла.

Бу бэлиэ сылларын көрсө кинилэр таҥастарын-саптарын эмиэ саҥардан биэрдилэр. Ол курдук, халадаай, хаһыаччык, ону тэҥэ өбүгэлэрбититтэн кэлбит сайыҥҥы сону тигиннилэр. Маны сэргэ, байыастарга таҥас-сап тикпиттэрин бэлиэтиир хайаан да наада.

Ити курдук, түөлбэлэргэ, нэһилиэккэ, улууска төһө кыалларынан бэйэлэрин сэмэй кылааттарын киллэрсэллэр. Кинилэр ииһинэн эрэ муҥурдамматтар, нэһилиэк уопсастыбаннай олоҕор көхтөөхтүк кытталлар.

Изабелла Жараева

Ааптар хаартыскаларга түһэриитэ,

Дьохсоҕон, Таатта.