Дойду Үөрэҕириитин министиэристибэтэ үөрэнээччилэр сайыҥҥы сынньалаҥнарын күнүн быһаарда

Арассыыйа оскуолаларыгар сайыҥҥы сынньалаҥ  ыам ыйын 27 күнүттэн атырдьах ыйын 31 күнүгэр диэри буолуоҕа диэн РИА Новости суруйар.

Маныаха 9-с уонна 11-с кылаас үөрэнээччилэригэр үөрэх дьылын түмүктэниитэ сүрүн судаарыстыбаннай эксээмэн (ОГЭ) уонна биир кэлим эксээмэн (ЕГЭ) кыраапыгын кытта сөп түбэһэр диэн эппиттэр.

“Биһиги сорукпут – хас биирдии оҕо сайыны доруобуйатыгар, тус сайдарыгар туһалаахтык атаарарын хааччыйар усулуобуйаны тэрийии” – диэн дойду миниистирэ эппит.

Кравцов быһаарбытынан, оҕолорго анаан оҕо кииннэрэ, оскуола лааҕырдара үлэлиэхтэрэ. Оҕолор успуорт-доруобуйаны чэбдигирдэр тэрээһиннэргэ, күөн күрэстэргэ, дьарыктарга, маастар-кылаастарга кыттыахтарын сөп.

РФ Үөрэҕириитин министиэристибэтэ сыллата эрэгийиэннэргэ сынньалаҥ күннэрин болдьоҕун ыытар. Ол эрээри, оскуолалар кыраапыгы сыҕарытан биэрэр бырааптаахтар диэн суруллар.