Дьокуускай киинигэр үһүс этээстэн эр киһи сууллубут

Саха сиринээҕи Борокуратуура ааспыт суукка устата өрөспүүбүлүкэ үрдүнэн тахсыбыт быһылааннар уонна холуобунай дьыалалар тустарынан иһитиннэрдэ. Бу күн киин куоракка да, улуустарга даҕаны араас сокуону кэһиилэр бэлиэтэннилэр.

Дьокуускай куорат киинигэр, Ленин проспегар баар олорор дьиэ үһүс этээһин түннүгүттэн эр киһи сууллубут. Быраабы араҥаччылыыр уорганнар иһитиннэрэллэринэн, түбэлтэ буолбут сиригэр суһал көмө биригээдэтэ тиийэн, эчэйбит киһини балыыһаҕа киллэрбиттэр. Билигин кини туруга хайдаҕа уонна быһылаан туохтан сылтаан тахсыбыта чопчуланар.

Ону таһынан, киин куоракка массыынаны күрэтии тахсыбыта бэлиэтэннэ. Биллибэт дьон «Тойота РАВ 4»  мааркалаах кроссовер массыынаны күрэппиттэр. Билигин көрдөөһүн үлэтэ ыытыллар.

Оттон Горнай улууһугар улахан суумалаах түөкүннээһин арылынна. Тыа хаһаайыстыбатын тиэхиньикэтин атыылаһарга көмө субсидияны эбэтэр граннары ылар сыалтан, сымыйа докумуоннары оҥорон туттарбыттара билиннэ. Бу сокуону кэһии түмүгэр судаарыстыбаҕа 285 тыһыынча солкуобай суумалаах хоромньу оҥоһуллубут. Бэрэбиэркэ саҕаланна.

Суол быраабылатын кэһии статистиката син биир уустук. Ааспыт суукка эрэ устата ГИБДД үлэһиттэрэ өрөспүүбүлүкэ суолларыгар уруулга итирик олорон массыынаны ыыппыт 27 суоппары тутан тохтоттулар. Бу дьон бэйэлэрин эрэ буолбакка, атын дьон олоҕор, доруобуйатыгар улахан кутталы үөскэтэллэр.