Дьокуускайдааҕы «ВОИН» Киин курсаана Андрей Ачикасов XI Илиҥҥи экэнэмиичэскэй пуорумҥа үлэтин иһин Махтал сурук тутта

Киин дириэктэрэ Дмитрий Шевченко XI Илиҥҥи экэнэмиичэскэй пуорум «Уһук Илиҥҥи уулуссалар» павильонун тэрийиигэ көмөлөспүтүн иһин Андрей Ачикасовка сурук уонна бэлэх туттарда.

«ВОИН» Киин павильонун тэрийиигэ 10 эрэгийиэнтэн уопсайа 11 курсаан кыттыыны ылбыта. Андрей Ачикасов – С.Ф. Гоголев аат. Дьокуускайдааҕы педагогическай кэллиэс физкультурнай салаатын устудьуона,  «ВОИН» Киин тэрийбит алын байыаннай бэлэмнэнии куурустарын уонна хонууга бэлэмнэнии лааҕырдарын ааспыта. «ВОИН» Байыаннай-спортивнай бэлэмнэнии киинин павильона пуорум кэмигэр «Уһук Илиҥҥи уулуссалар» быыстапкаҕа «Бастыҥ салаа павильона» анал аат кыайыылааҕынан буолла. Бу туһунан РФ бырабыыталыстыбатын бэрэссэдээтэлин солбуйааччы уонна Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев Уһук Илиҥҥи федеральнай уокурук Сэбиэтин мунньаҕар эттэ.

Балаҕан ыйын 1-7 күннэригэр үлэлээбит былаһааккаҕа 14 000-тан тахса ыалдьыт сылдьан, пуорумҥа биир саамай биллэр уонна элбэх киһи сылдьыбыт сиринэн буолла. Пуорум кэмигэр Арассыыйа бэрэсидьиэнэ Владимир Путин Приморскай кыраайга, Амурскай уобаласка уонна Карелия Өрөспүүбүлүкэтигэр “ВОИН” киин үс саҥа филиалын арыйда. Ону таһынан, Еврейскэй автономнай уобалаһы кытта сыл бүтүөр диэри эрэгийиэннээҕи салааны тэрийэр сөбүлэһиигэ илии баттанна. Павильон баай интерактивнай бырагыраамата ыалдьыттар интэриэстэрин тарта. Бырагыраама сүрүн өрүтүнэн «Единоборства всей России» бырайыак чэрчитинэн Бойобуой ускуустуба Арассыыйатааҕы сойууһун тириэньэрдэрэ уонна спортсменнара  национальнай бойобуой ускуустуба 11 көрүҥэр маастар-кылаастары уонна  хапсыһыылары көрдөрбүттэрэ буолар.

Сылдьыбыт дьон өссө «Патриотическай» ТОР резиденнэрин оҥоһуктарын  (вездеходтары, баггилары, бронялаах куйахтары), ону тэҥэ “Калашников” концерн истиэндэтин улаханнык интэриэһиргээн көрдүлэр. Хампаанньа сэрии сэбин макеттарын, БПЛА-лары, экипировканы, ону таһынан саҥа АК-12+ апатамаат саҥа көрүҥүн билиһиннэрдэ. Дьокуускайдааҕы «ВОИН» Киин курсаана Андрей Ачикасов Илиҥҥи экэнэмиичэскэй пуорумҥа үлэтин иһин махтал суругу тутта.

СӨ Ил Дарханын уонна Бырабыыталыстыбатын пресс-сулууспата.