Дьокуускайга 1963 с.т. эр киһи өлүгүн буллулар

Ааспыт сууккаҕа Саха сиригэр 5 буруйу оҥоруу буолбутун туһунан СӨ Борокуратуурата иһитиннэрэр.

Дьокуускайга П.Алексеев уул. баар дьиэ подъеһыттан 1963 с.т. эр киһи өлүгүн буллулар, быһаҕынан анньыллыбыт. Уорбаланааччы быһаарыллыбыт.

Киин куоракка кыбартыыраттан кыһыл көмүс сыапачыканы уонна биһилэхтэри уорбуттарын туһунан иһитиннэрии киирбит.

Итиэннэ итирик туруктаах уруулга олорбут суоппардар иккистээн тутуллубуттар, сымыйа докумуоннары туһана сылдьыбыттара биллибит.

Киһи өлүүлээх суол саахала бэлиэтэммэтэх.

Суукка иһигэр итирик туруктаах 21 суоппар тутуллубут.