Дьокуускайга 2015 с.т. оҕону массыына түҥнэри көппүт

Ааспыт сууккаҕа Саха сиригэр биэс буруйу оҥоруу буолбутун туһунан СӨ Борокуратуурата иһитиннэрэр.

Нерюнгрига эр киһиттэн түөкүттэр 420 тыһ.солк. суйдаабыттар.

Дьокуускайга сымыйа докумуону туһана сылдьыбыттара биллибит.

Мэҥэ Хаҥаласка, Хаҥаласка итирэн баран уруулга олорбут суоппардар иккистээн тутуллубуттар, наркотигынан эргиммиттэрэ биллибит.

Киһи өлүүлээх суол саахала бэлиэтэммэтэх.

Дьокуускайга Кузьмин уул. «Хонда Фит» массыына суоппара суолу туоруурга анамматах сиринэн туораан испит 2015 с.т. оҕону түҥнэри көппүт. Уол оҕону госпитализациялаабыттар.

Суукка устата итирик туруктаах 19 суоппары туппуттар.