Дьокуускайга ититиини ыам ыйын 23 күнүттэн арааран саҕалыахтара

Күн-дьыл сылыйан, быйылгы кыстык сезона түмүктэнэн, ититиини араарыы былааннанар. Бу туһунан Дьокуускай куорат дьаһалтатын пресс-сулууспата иһитиннэрэр.

Дьокуускай куоракка олорор дьиэлэргэ ититиини ыам ыйын 23 күнүгэр, социальнай тэрилтэлэргэ (оскуолаларга, балыыһаларга), ону тэҥэ эргэрбит мас дьиэлэргэ бэс ыйын 1 күнүттэн араарарга былаанныыллар.

«Ол эрээри барыта  чопчу күн-дьыл усулуобуйатыттан тутулуктаах», — диэн Дьокуускай куорат бүгүҥҥү мунньаҕар ОДьКХ уонна энергетика департаменын салайааччыта Иван Негнюров иһитиннэрдэ.