Дьокуускайга көҥүлэ суох туруоруллубут гараастары дьаһайаллар

«Жилкомсервис» МУП көҥүлэ суох туруоруллубут гараастары тиэйэн таһаарар үлэтин салгыыр диэн киин куорат мэрията иһитиннэрэр.

Сокуон ирдииринэн, муниципальнай сиргэ тимир гараастары уонна да атын көһөрүллэр кыахтаах эбийиэктэри туруорарга көҥүллүүр докумуоннары оҥотторуу булгуччу ирдэнэр. Көҥүлэ суох туруоруллубут тутуулар көтүрүллэн, тиэйиллэн таһаарыллыахтаахтар.

Көҥүлэ суох туруоруллубут гараастар хаһаайыттара административнай эппиэтинэскэ тардыллыахтарын сөп, оттон эбийиэктэри көһөрүүгэ уонна харайыыга ыытыллыбыт ороскуоту хаһаайыныгар сүктэриллэр.

Куорат олохтоохторуттан көҥүллүүр докумуоннара баарын бэрэбиэркэлииллэригэр, быраабы бигэргэтэр докумуоннары ирдэнэр бэрээдэгинэн оҥоттороллоругар эбэтэр күһэйэр дьаһаллар туттуллуохтарыгар иннинэ гараастарын бэйэлэрэ тиэйэн таһааралларыгар ыҥырыллар.

«Жилкомсервис» МУП тиэргэннэри тупсарыы быраабылаларын тутуһуу булгуччулааҕын өйдөөн сыһыаннаһарга сүбэлиир.