Дьокуускайга ойоҕун кырбаан өлөрбүт эр киһи сууттаныа

Силиэстийэ дааннайынан, 2025 сыл тохсунньутугар буруйданааччы итирик туруктаах сылдьан этиһии тахсыбытыгар ойоҕун төбөтүгэр уонна этигэр-сиинигэр сутуругунан уонна атаҕынан 9-тан итэҕэһэ суох төгүл охсубут-тэппит.

Кырбаммытын кэннэ эмсэҕэлээччи бэйэтин кыбартыыратыгар ыар туруктаах икки хонук сыппыт. Онтон дьахтар тартарарын көрөн, эр киһи суһал көмөнү ыҥырбыт. Кэлбит быраастар дьахтар тыына быстыбытын бигэргэппиттэр.

Силиэстийэ саҕаланыытыгар эр киһи «кэргэним подъезка охтубутун түмүгэр эчэйбитэ» диэн көрдөрүү биэрбитэ. Ол эрээри кини тыла силиэстийэ кэмигэр булуллубут дакаастабылларынан сымыйа буолара быһаарыллыбыт. Бу туһунан СӨ Борокуратуурата иһитиннэрэр. Борокуруор холуобунай дьыаланы суукка ыытта, буруйданааччы билигин хаайыыга сытар.