Дьокуускайга миграция рейдэтэ: Байыаннай учуокка турбатах 5 киһини военкомакка ыыттылар

Дьокуускай куоракка полиция үлэһиттэрэ Росгвардия күүстэрин кытта миграция сокуонун тутуһууну бэрэбиэркэлиир рейдэлэри ыыттылар.

Бу сырыыга тэрээһин Очиченко уулуссатыгар ыытылынна. Манна тас дойду гражданнара улахан массыынаттан оҕуруот аһын атыылыыллар эбит.

Полицейскайдар атыыһыттар Арассыыйа Федерациятын сиригэр-уотугар сокуоннайдык сылдьалларын туоһулуур докумуоннарын, үлэ дуогабардарын уонна патеннарын, мэдиссиинэ түмүктэрин, миграция каарталарын, ону таһынан булгуччулаах дактилоскопическай регистрацияны уонна хаартыскаҕа түспүттэрин туһунан докумуоннары бэрэбиэркэлээтилэр. Итини таһынан, кинилэргэ сэрэтэр-быһаарар кэпсэтиини ыыттылар.

Бэрэбиэркэ кэмигэр полицейскайдар 27-тэн 44-гэр диэри саастаах, Арассыыйа гражданствотын ылбыт эрээри, байыаннай учуокка турбатах чугас тас дойдулартан төрүттээх 5 эр киһини быһаардылар. Кинилэр пааспардарын 13-с сирэйигэр ол туһунан бэлиэ суоҕа бэлиэтэннэ.

Бу гражданнары байыаннай комиссариакка тиэртилэр.

Миграция сулууспатын полицията маннык рейдэлэри салгыы ыытыаҕа.