Дьокуускайга оҕону түҥнэри көттүлэр

Бэҕэһээ, ыам ыйын 23 күнүгэр, киэһээ 19:00 чаас саҕана Чернышевскай аатынан уулусса уонна Михаил Николаев аатынан проспект быһа охсуһуутугар 1987 с.т. дьахтар суоппар «Toyota Land Cruiser» массыынанан Красильников аатынан уулуссаны бэлэсипиэдтээх сатыы туораан испит 2012 с.т.  оҕону түҥнэри көттө.

Суһал мэдиссиинэ көмөтүн биригээдэтэ сокуоннай сааһын ситэ илик оҕону балыыһаҕа илдьэн, компрессионнай сис тоноҕос уҥуоҕун тостуутун быһаарбыттар.

СӨ ИДьМ Госавтоинспекцията суоппардар сатыы дьон суолу туоруур сирдэригэр болҕомтолоох буолалларыгар, түргэн сырыыттан аккаастаналларыгар сүбэлииллэр.