Дьуһуурунай борокуруор: дьахтар түннүгүн сууйа туран алтыс этээстэн сууллубут

Ааспыт сууккаҕа Саха сиригэр биэс буруйу оҥоруу бэлиэтэннэ.

Бу туһунан баскыһыанньа сарсыарда өрөспүүбүлүкэ борокуратуурата иһитиннэрдэ.

Дьокуускайга 1951 с.т. биэнсийэлээх киһиттэн түөкүттэр, полиция үлэһиттэрэбит диэн албыннаан, 200 тыһыынча солкуобайын уорбуттар. Итиэннэ киин куоракка наркотигы сокуоннайа суох эргинэр буруйу оҥоруу тохтотулунна, массыынаны итирик туруктаах иккиһин ыыта сылдьыы чахчыта билиннэ.

Маны таһынан, биир көмүс маҕаһыыныгар РФ Холуобунай кодексатын 160-с ыстатыйатынан (баайы-дуолу бэйэҕэ иҥэринии уонна ыһан-тоҕон туһаныы) холуобунай дьыала тэрилиннэ.

Дьокуускайга 202-с микрорайон дьиэтин таһыгар 1955 с.т. дьахтар өлүгэ көстүбүт. Кини кыбартыыратын түннүгүн сууйа туран алтыс этээстэн сууллубут.

Муома улууһугар Муома өрүскэ «Быйыттаах» диэн сир таһыгар бултуу сылдьан 1969 с.т. эр киһи ууга тимирбит. Кини өлүгэ билигин да булулла илик.

Мэҥэ-Хаҥалас улууһугар «Мүрү» суолун 77-с килэмиэтиригэр 2004 с.т. суоппар «Тойота Премио» массыына уруулун кыайан салайбакка, суолтан күбүөккэ түспүт уонна маска охсуллубут. Ылбыт эчэйиилэриттэн тутатына тыына быстыбыт.

Итирик туруктаах уруулга олорбут 12 суоппар тутулунна.