Дьуһуурунай борокуруор: сымыйа докумуон, быһаҕынан анньыы, суол саахала…

Өрөспүүбүлүкэҕэ биир суукка иһигэр 6 буруйу оҥоруу тахсыбыта бэлиэтэннэ. Маныаха процессуальнай бэрэбиэркэлэри ыытыы уонна холуобунай дьыалалары силиэстийэлээһин борокуратуура хонтуруолугар тураллар.

Нерюнгри оройуонугар быһаҕынан анньыллыбыт  1977 с.т. эр киһи балыыһаҕа киирдэ.

Мэҥэ-Хаҥалас улууһугар биэнсийэлээх киһи «инвестиция» оҥоробун диэн албыннатан 839 тыһ. солкуобайын сүтэрдэ.

Бүлүү улууһугар массыынаны бэрэбиэркэлээһин кэмигэр өрүстэн хостоммут, 10-нуу киилэлээх 50 куул кумах тутулунна.

Ленскэй, Чурапчы улуустарыгар итирик туруктаах массыынаны иккиһин ыытыы түбэлтэлэрэ арылыннылар.

Мииринэй оройуонугар докумуоннары бэрэбиэркэлээһин кэмигэр, сымыйанан оҥоһуллубут буолуон сөптөөх суоппар дастабырыанньата көһүннэ.

Мииринэй куораттан 30 км ыраах сиргэ «КАМАЗ» массыына суоппара суолтан туораан түҥнэстибит. Суол быһылаанын  түмүгэр суоппар уонна айанньыт балыыһаҕа киирдилэр.

Массыынаны итирик туруктаах ыытан испит 18 суоппар тутулунна.