Эдэр пианист Арассыыйа композитордарын сойууһугар киирдэ

Чурапчы талааннаах ыччата, пианист, композитор Никифор Яковлев Арассыыйа композитордарын сойууһугар киирдэ. Бу туһунан улуус баһылыга Степан Саргыдаев иһитиннэрдэ.

-Никифор  Петр Чайковскай аатынан Москватааҕы  муусука судаарыстыбаннай  консерваториятын научнай композиторскай факультетын кыһыл дипломунан бүтэрбитэ. Кини  сахалартан бастакынан консерватория ассистентуратыгар үөрэнэ сылдьар. Никифорга бу курдук дойдутун аатын өссө да ааттата турарыгар, айар-иэйэр аартыга арылла турарыгар баҕарабын, — диэн Степан Саргыдаев МАХ-ка ханаалыгар иһитиннэрдэ.