Өлүөнэ өрүскэ хойуу туман түһэн, айан-сырыы хааччахтанна

Бүгүн Өлүөнэ өрүскэ хойуу туман түһэн, паромунан туорааһын уонна пассажирдары өрүһүнэн таһыы тохтотулунна диэн СӨ тырааныспарга министиэристибэтэ иһитиннэрэр.

Өрүһүнэн сырыы билиҥҥитэ хааччахтанан турар, балаһыанньаттан көрөн уонна усулуобуйаны учуоттаан сөргүтүллүөҕэ диэн иһитиннэрэллэр.

Дьокуускай аэропуорда кэминэн үлэлии турар, халлаан ыраас, сөмөлүөттэр көтөллөрүгэр хааччах суох.

Пассажирдар уонна экипажтар куттала суох буолууларын хааччыйар сыалтан, үлэ эрэсиимигэр ханнык баҕарар уларыйыылар киллэриллэллэр.

СӨ тырааныспарга министиэристибэтэ пассажирдарга айан туһунан саҥа иһитиннэриилэри кинилэр ханаалларыгар кэтииллэригэр сүбэлииллэр.