ВИДЕО: «Өлүөнэ очуостара» национальнай пааркаҕа кыыл-сүөл эгэлгэтэ

«Өлүөнэ очуостара» национальнай пааркаҕа «Морсо» аҕа ууһун общинатын учаастагар ойуурга кыыл-сүөл сылдьар сиригэр «фотоловушка» — устар камера баар. Бу күннэргэ  камераҕа араас кыыл уһуллан ааспыт каадырдара киһини сөхтөрөр!  

Биһиги иннибитигэр дьиҥнээх тайҕа кыллара көстөллөр: манна кулааһайдар сэлэлээн хаамаллар, хара тыа хаһаайына хагдаҥ эһэ аа-дьуо ыксаабакка даадаҥныыр, киис обургу сылбырҕатык сүүрэн ааһар, оттон ыллык үрдүнэн мас лабаатыгар сэргэх мэкчиргэ ааһааччылары кэтиир-маныыр.

Саамай дьиктитэ – кыыллар бэйэлэрин бириэмэлэрин чопчу туһутуһаллара көстөр. Бу ыллык – тайҕа хорук тымыра, ол гынан баран бу кыыллар, ойуур олохтоохторо, хаһан да бэйэ-бэйэлэрин кытта утарыта көрсүспэттэр, алтыһан ааспаттар. Хас биирдиилэрэ – бэйэлэрэ бириэмэлээхтэр!

Видео айылҕа харыстабылын иниспиэктэрэ Василий Калитин тиксэриитэ.