Эмчиттэри кытта дуогабар түһэрсии көхтөөх

Өрөспүүбүлүкэҕэ «Мэдиссиинэ каадырдара» эрэгийиэннээҕи бырайыак көхтөөхтүк үлэлиир.

Ол курдук, СӨ Доруобуйа харыстабылын министиэристибэтэ иһитиннэрбитинэн,  бу бырайыак чэрчитинэн 2019 сылтан специалитекка 1517 тус сыаллаах дуогабар түһэрсиллибит.  555 – ординатураҕа уонна 1767 – орто анал үөрэх бырагырааматынан. Бу үлэ «Уһун үйэ уонна көхтөөх олох” национальнай бырайыак чэрчитинэн РФ бэрэсидьиэнэ Владимир Путин көҕүлээһининэн ыытыллар.

Эмчиттэри Арассыыйа 17 үрдүк үөрэх кыһатыгар, Хотугулуу-Илиҥҥи федеральнай университекка уонна 4 кэллиэскэ бэлэмнииллэр. Саха сиригэр «Земскэй доктор» уонна «Земскэй биэлсэр» федеральнай бырагыраамалар олоххо киириилэрэ тэтимнээх. Бу бырагыраамаларга анаан 2012 сылтан өрөспүүбүлүкэҕэ 1668 доруобуйа харыстабылын үлэһитин, ол иһигэр 1361 бырааһы уонна 307 фельдшеры үлэҕэ ыллылар. Бу сыалга 1,8 миллиардтан тахса солкуобай көрүллүбүт.

Сиһилии: https://www.sakha.gov.ru/news/41430 сигэнэн ааҕыҥ.