Өрөмүөн оҥоруом диэн албыннаабыт
Дьокуускай куорат борокуратуурата түөкүннээбит киһиэхэ холуобунай дьыалаҕа судаарыстыбаннай буруйдааһыны өйөөтө.
Кини РФ ХК 159-с ыстатыйатын 3-с чааһынан (улахан кээмэйдээх түөкүннээһин) 11 буруйу оҥоруу түбэлтэтинэн уонна РФ ХК 159-с ыстатыйатын 2-с чааһынан (улахан хоромньуну таһааран түөкүннээһин) 8 буруйу оҥоруу эпизодунан буруйданна.
Суукка быһаарыллыбытынан, 2023–2025 сылларга бу киһи Дьокуускай куоракка тэрилтэ генеральнай дириэктэринэн үлэлии сылдьан, эмсэҕэлээччилэри албыннаан уонна итэҕэйэллэрин туһанан, кинилэр кыбартыыраларыгар өрөмүөн үлэтин толорууга дуогабардары түһэрсибит, ол гынан баран, ылбыт эбэһээтэлистибэлэрин толорор санаата суох эбит. Түмүгэр 5 мөл. солк. тахса суумалаах үбү-харчыны түөкүннээн ылбыт.
Бу киһи буруйун билиммэтэх.
Суут судаарыстыбаннай буруйдааччы санаатын учуоттаан, кинини уопсай эрэсиимнээх холуонньаҕа 7 сылга көҥүлүн быһарга уураахтаабыт. Эмсэҕэлээччилэр буруйу оҥорууттан тахсыбыт хоромньуну толуйтарар туһунан гражданскай ирдэбиллэрэ толоруллубут, ону тэҥэ, буруйу оҥороругар туһаммыт суотабай төлөпүөнүн былдьыырга быһаарыы ылыллыбыт.
Суут уурааҕа сокуоннай күүһүгэр киирэ илик, онон өрүттэр ааһыныахтарын сөп диэн Өрөспүүбүлүкэ борокуратууратын пресс-сулууспата иһитиннэрэр.
Сообщить об опечатке
Текст, который будет отправлен нашим редакторам: