Хаар түһэр, -6 кыраадыс тымныы, тоҥоруу

Саха сиринээҕи Гидрометеорология сулууспатын (ЯУГМС) синоптиктара иһитиннэрэллэринэн, бүгүн, атырдьах ыйын 24 күнүгэр, өрөспүүбүлүкэ үгүс улуустарыгар ардаҕа суох күн-дьыл туруоҕа. Ол эрээри соҕуруу уонна хоту улуустарга кыратык, онтон ардыгар орто күүстээхтик ардыаҕа. Оттон хоту түүнүн инчэҕэй хаар түһэрэ сабаҕаланар.

Күн-дьыл уларыйыытын кытта тыал күүһүрүөҕэ. Хотугулуу-илин уонна соҕурууҥҥу-арҕаа өттүгэр тыал сөкүүндэҕэ 8–13 м. түргэннээх күүһүрүө. Усуйаана улууһугар тыал күүһэ 15–20 м/с диэри, оттон Арктика улуустарыгар силлиэ 17–22 м/с диэри  тиийиэҕэ диэн исписэлиистэр сэрэтэллэр.

Салгын температурата ортотунан +1…+6° сылаас буолуоҕа. Халлаан халыннаҕына 0…–3° диэри түһүөҕэ уонна  тоҥоруоҕа. Оттон хотугулуу-илин уонна намыһах сирдэргэ түүн –1…–6° кыраадыска диэри тымныйыаҕа. Соҕурууҥҥу-арҕаа уонна хотугулуу-арҕаа улуустарга эрэ түүн +6…+11° сылаас буолара күүтүллэр.

Күнүһүн салгын +18…+23° диэри сылыйыаҕа, ардахтаах сирдэринэн уонна Халыма-Индигиир улуустарыгар +13…+18° буолуоҕа.

Киин куоракка күнүһүн сайыҥҥылыы сылаас күн турар да буоллар, түүнүн эмиэ күһүҥҥүлүү тымныйар. Түүн +2…+4° сылаас буолуоҕа, оттон куорат тулатынааҕы сирдэринэн 0…–2° диэри тоҥоруоҕа. Онон даачалаахтар уонна оҕуруоттаахтар сэрэхтээх буолалларыгар сүбэлииллэр. Оттон күнүһүн киин куоракка +19…+21° сылаас күн буолара күүтүллэр.