ХААРТЫСКА: “Адыаччыга, Суордаахха да туруйа толору”

Бүгүн Дьааҥы улууһун Табалаах нэһилиэгэр 200-чэ туруйаны көрбүттэрин туһунан сонун тарҕанна.

Бу төһө оруннааҕын билээри Табалаах баһылыгар Анна Рожинаҕа эрийэ сырыттыбыт.

— Туруйалар тустарынан тугу да этэр кыаҕым суох.  Дьааҥы улууһугар бу сонун буолбатах. Икки сүүсчэ диэн ким ааҕа турбут үһү. Адыаччыга, Суордаахха даҕаны туруйа толору. Олортон ыйыталаһыҥ. Ким эрэ ситимнэргэ уган кэбиспитэ тарҕанан хаалла, — диэтэ кини быһаччы.

Оттон Аллайыаха улууһун Оленегорскай  нэһилиэгин баһылыга А.К.Трофимов этэринэн, кинилэр диэки эмиэ туруйа кэлэр эбит.

— Туруйа баар буолааччы. Үксэ туундара диэки ааһааччы. Оттон куба, кырдьык, буолунай, — диэтэ Алексей Константинович.