ХААРТЫСКА: Дьокуускайга бастакы ньургуһуннар таҕыстылар

Дьокуускай Сынньалаҥ пааркатыгар тоҥ буору тобулан бастакы сааскы ньургуһуннар  таҕыстылар. Бу Саха сиригэр саас кэлиитин, айылҕа тыллыытын таһынан, күүстээх санааны, тулууру бэлиэтиир сибэкки.

Аан дойдуга ньургуһун 50‑ча, оттон Саха сиригэр  биэс көрүҥэ үүнэр: араҥастыйар ньургуһун (прострел узколистный (желтеющий), тырыттаҕас ньургуһун (прострел многонадрезанный), айаан ньургуһуна (прострел аянский), Турчанинов ньургуһуна (прострел Турчанинова), Даурия ньургуһуна (прострел даурский). Итинтэн икки көрүҥэ Кыһыл кинигэҕэ киирбит: айаан уонна Турчанинов ньургуһуна.

Сыл аайы муус устар 19 күнүгэр Арассыыйаҕа уонна таны да дойдуларга сааскы бырааһынньыгы – Ньургуһун күнүн бэлиэтииллэр. Онтон Саха сиригэр 2004 сылтан биллиилээх суруналыыс Иван Ушницкай көҕүлээһининэн ыам ыйын 18 күнүгэр Ньургуһун күнэ бэлиэтэнэр.