ХААРТЫСКА: «Төлкө» арамааны кыбына сылдьар

Бэҕэһээ СӨ национальнай ойуулуур-дьүһүннүүр түмэлигэр «Чолбон» сурунаал үбүлүөйдээх быыстапкатыгар сырыттым. Элбэх дьон быыһыгар саха суруйааччыта Николай Якутскай  «Төлкө»  арамаанын  кыбына сылдьар кыыһы бэлиэтии  көрдүм.

Арай кинигэни арыйан төлөпүөнүн укта. Дьиҥнээх кинигэ дии санаабытым, суумка буолбутун сөҕөн кэпсэтэргэ сананным:

— Саха литературатыгар сөбүлээн, умсугуйан аахпыт  арамааммын үйэтитэн кинигэ-суумка оҥосторго быһаарыммытым. Суумка таһа эко-тирии, суругун  оҕуруонан  тиспитим. Маннык суумканы оҥостуу уустук соҕус. Саха суруйааччытын айымньытынан кинигэ курдук суумкалаахпын үгүс дьон сэргээччи. Тутарга дьоҕус, оттон саамай сүрүнэ —  сөбүлээн аахпыт «Төлкө» арамааммын өрүү  илдьэ сылдьар курдукпун,— диэн   Мария Карамзина кэпсээтэ.