«Хаарыан дьоннор, хаһыатчыттар-2» кинигэ сүрэхтэннэ

Бүгүн «Сахамедиа» пресс-киинигэр ытыктабыллаах суруналыыс Иван Ксенофонтов-Силиги «Хаарыан дьоннор, хаһыатчыттар-2» кинигэтин сүрэхтэниитэ буолан ааста.

Кинигэҕэ сахалыы тыллаах суруналыыстыка, нассынаалынай бэчээт сайдыытын кэрэһэлиир ахтыылар, ыстатыйалар, уочаркалар түмүллэн киирдилэр.  Суруналыыстыкаҕа В.В. Никифоров-Күлүмнүүр аатынан судаарыстыбаннай бириэмийэ лауреата, СӨ култууратын үтүөлээх үлэһитэ, Мэҥэ Хаҥалас улууһун бочуоттаах гражданина, СӨ бочуоттаах Ытык Кырдьаҕаһа, бэтэрээнэ, Арассыыйа Суруналыыстарын сойууһун «Биир идэлээхтэрин иннилэригэр үтүөлэрин иһин» үрдүк наҕараадатын хаһаайына Иван Иванович Ксенофонтов-Силиги өссө биир дьоһуннаах кинигэтэ күн сирин көрдө.

Иван Ксенофонтов-Силиги өр сылларга биир идэлээхтэрин, бэйэтэ хоһоонугар хоһуйбутун курдук «хаарыан дьоннору, хаһыатчыттары…»үйэтитиигэ анаан сыралаһан бу кинигэлэргэ күн сирин көрдөрдүлэр. Суруналыыстар ытыктыыр киһилэригэр дьоһуннаах үлэтин иһин бүгүн истиҥ тыллары эттилэр.

«Хаарыан дьоннор, хаһыатчыттар-2» кинигэ сахалыы тыллаах суруналыыстыка сайдыытын үөрэтиигэ уонна суруналыыстар үлэлэрин, айбыт-туппут суолларын кэлэр көлүөнэлэргэ билиһиннэрэргэ суолтата тугунан да кэмнэммэт.

Кэрэхсэбиллээх тэрээһин туһунан сиһилии анаан сырдатыахпыт.