Хабаровскайга «Анимур» анимационнай киинэ бэстибээлэ ыытыллыаҕа

Хабаровскайга алтынньы 1–4 күннэригэр V-с аан дойдутааҕы «Анимур» анимационнай киинэ бэстибээлэ ыытыллыаҕа. Үбүлүөйдээх сезоҥҥа дьыалабыай бырагыраамаҕа аан бастаан ASEAN–Russia Animation Market  Арассыыйа уонна АСЕАН 11 дойдутун икки ардыларыгар копродукцияны тарҕатыыны сайыннарар профессиональнай пуорум буолуоҕа.

Манна устуудьуйаларга, продюсердарга, дистрибьютордарга, платформаларга, үөрэхтээһин тэрилтэлэригэр уонна өйөбүл институттарыгар, теле-ханаалларга уонна сыыппара платформаларыгар, оҕо уонна дьиэ кэргэн контенын эспиэрдэригэр, инвестордарга кытталларыгар ыҥырыы ыытылынна. ASEAN–Russia Animation Market кыттыылаахтарынан Бруней, Вьетнам, Илин Тимор, Индонезия, Камбоджа, Лаос, Малайзия, Мьянма, Сингапур, Таиланд, Филиппины уонна Арассыыйа бэрэстэбиитэллэрэ буолаллара   күүтүллэр.

Дьыалабыай бырагыраама чэрчитинэн, кыттааччылары маннык түгэннэр күүтэллэр:

— Былаас уорганнарын, Арассыыйа анимация киинэтин Ассоциациятын уонна сайдыы институттарын кытары төгүрүк остуол;
— Арассыыйа уонна АСЕАН дойдуларын медиа-индустриятын билиһиннэриилэр;
— Копродукцияҕа, тарҕатыыга, IP (бас билиигэ), оҕо контеныгар, искусственнай интеллект (AI) уонна үөрэхтээһиҥҥэ аналлаах сиэксийэлэр;
— АСЕАН дойдуларын анимациятын анал көрдөрүүлэр;
— Арассыыйа уонна АСЕАН дойдуларын анимациятын устуоруйатын быыстапката;
—  Уопут атастаһыытыгар уонна ситим олохтуурга икки тыллаах профессиональнай платформаны саҕалааһын.

Маны таһынан,  B2B көрсүһүүлэр, официальнайа суох приемнар уонна култуура бырагыраамата былааннаналлар.

 «Анимур» түөрт сыл иһигэр элбэх киһиэхэ профессиональнай стартовай былаһаакканан буолла. Биһиги, куонкурус бырагырааматын кыттыылаахтара, ситиһиилээх режиссердарга уонна продюсердарга, кинилэр үлэлэрэ атын бэстибээллэргэ наҕараадалары ылбыттарын көрбүппүт. Биһиги анимация көрөөччүнү кытта көрсөр, оттон профессионаллар бэйэ-бэйэлэрин булсар сирдэрэ буолан хаалабыт«- диэн бэстибээл дириэктэрэ Александра Дубовская бэлиэтиир.