Харыйалаахха сайылыахтара

Мэҥэ Хаҥалас улууһун тэрээһиннээх  хаһаайыстыбалара сайылыкка күргүөмнээхтик көстүлэр.

Ол курдук, Дьокуускайга сыл аайы ыытыллар быыстапка-дьаарбаҥкаларга көхтөөхтүк кыттар, дэлэгэй, үрдүк хаачыстыбалаах бородууксуйатынан биллэр “Хорообут” ХЭТ Харыйалаах сайылыгар көспүт. Бу туһунан улуустааҕы тыа хаһаайыстыбатын управлениетын зоотехнига Лилия Пономарева иһитиннэрдэ.

317 сүөһүнү үүрэн илдьибиттэриттэн 160 ынах,  157 ньирэй быйыл сайын үчүгэй мэччирэҥҥэ сайылыахтара. Алта ыанньыксыт, 1 бостуук, 1 үүт тутааччы, 2 ньирэй көрөөччү манна үлэлиэхтэрэ. Онон Харыйалаахха уопсайа 10 ыал тахсыбыт.

Хаартыска: Л.Пономарева ыытта.