Хас да киһи эчэйиилээх суол быһылаана таҕыста

Бэҕэһээ, бэс ыйын 24 күнүгэр, сарсыарда  06 ч. 30 мүн.  ИДьМ Мэҥэ Хаҥалас улууһунааҕы салаатын дьуһуурунай чааһыгар   «Лена» федеральнай суолга хас да киһи эмсэҕэлээһиннээх суол быһылаана тахсыбытын туһунан иһитиннэрии киирбит.

Ол курдук,  1117 км  1977 с.т. суоппар  Тойота Гранд Хайс массыынанан Нерюнгри куорат өттүттэн Дьокуускай диэки айаннаан иһэн уруулун кыайан туппакка, суолтан тахсан түҥнэстибит. Массыына иһигэр  7 пассажир баар эбит. Суол быһылааныгар 4 киһи  эмсэҕэлээн, Мэҥэ Хаҥаластааҕы Киин балыыһаҕа аҕалыллыбыттар.

Туһааннаах суоппар пассажирдары уонна таһаҕаһы таһарга анал көҥүлэ суох эбит диэн Мэҥэ Хаҥаластааҕы Госавтоиниспиэксийэ иһитиннэрдэ.