Хатас-Павловскай туһайыынан туорааһын 20 туоннаҕа диэри хааччахтаныа

Муус устар 14 күнүттэн Хатас-Павловскай туһаайынан Өлүөнэ өрүһү туорааһын 20 туоннаҕа диэри хааччахтаныаҕа.

Туорааһын пассажирдары тиэйэр массыыналарга  муус устар 15 күнүгэр диэри аһаҕас буолуоҕа. Күн-дьыл уонна муус туругуттан көрөн, бу болдьох муус устар 17 күнүгэр диэри уһатыллыан сөп. Бу туһунан СӨ тырааныспарга уонна суол хаһаайыстыбатыгар миниистирэ Владимир Сивцев брифинг кэмигэр эттэ.

Миниистир бэлиэтээбитинэн, кыһыҥҥы суолу уонна өрүһү мууһунан туорааһын кэминэн бара турар. Ол эрээри муус устар 10 күнүттэн таһаҕаһы тиэйии 20 туоннаҕа  эрэ диэри  көҥүллэнэр.  Арктика зонатыгар кыһыҥҥы суолунан таһаҕаһы 20 туоннаҕа диэри таһаллар. «Саамай уустук балаһыанньа — Баатаҕай-Саккырыыр учаастагар. Наадалаах таһаҕас онно суол алдьаныан иннинэ тиэрдиллиэхтээх». «Дороги Арктики»  хампаанньа таһаҕаһы тиэйээччилэргэ күнүстэри-түүннэри тиэрдиигэ өйөбүлү оҥорор.  Суоппардартан тиэйии кыамтатын хааччахтааһыннарын кытаанахтык тутуһалларын ирдиибит», — диэн Владимир Сивцев бэлиэтээтэ.

Сиһилии: https://www.sakha.gov.ru/news/43918