Хотугу улуустарга күүстээх буурҕа түһэрэ күүтүллэр

Бүгүн, алтынньы 25 күнүгэр, Анаабыр уонна Булуҥ улуустарыгар арҕааттан күүстээх тыал түһэрэ сабаҕаланар. Тыал күүһэ сөкүүндэҕэ 19-24 миэтэрэҕэ (м/с) диэри, оттон түүнүн 27-32 м/с тиийэ күүһүрүөҕэ, күүстээх тибии түһүөҕэ.

Улуустар үксүлэригэр кыралаан, сорох сирдэринэн  хойуу хаар түһүөҕэ. Тыала орто, ардыгар 9-14 м/с күүһүрүөҕэ. Арктика улуустарыгар тыал 19-24 м/с, түүнүн 27-32 м/с тиийэ күүһүрүөҕэ, буурҕалаах буолуоҕа.

Салгын температурата:

• Түүнүн: -10…-15° тымныы, халлаан былыта суох буоллаҕына -15…-20° тымныы. Соҕуруулуу-арҕаа улуустарга -5…-10°, оттон хотугулуу-илин -21…-26° тымныы буолуоҕа.
• Күнүһүн: -5…-10° тымныы. Соҕуруулуу-арҕаа 0…-5°, хотугулуу-илин -10…-15° тымныы буолуоҕа.

Дьокуускай куоракка  сарсыарда уонна күнүһүн кыралаан хаар түһүөҕэ. Хотугулуу-арҕааттан 5-10 м/с түргэннээх тыаллаах. Температура түүнүн -10…-12°, күнүһүн -5…-7° тымныы буолуоҕа.