Ил Дархан Айсен Николаев доруобуйа харыстабылын үлэһиттэрин кытта көрүстэ

Бүгүн, муус устар 15 күнүгэр, Ил Дархан Айсен Николаев доруобуйа харыстабылын үлэһиттэрин кытта көрүстэ. 

«Бу көрсүһүүгэ кэпсэтии доруобуйа харыстабылын туһунан эрэ буолбата. Бу — Саха сирин инникитин, дьон хайдах олорор буоларын, уон, сүүрбэ, отут сылынан биһиги өрөспүүбүлүкэбитигэр олох хаачыстыбата хайдах буоларын туһунан кэпсэтии. Тоҕо диэтэххэ бүгүн доруобуйа харыстабыла — көннөрү салаа эрэ буолбатах. Бу судаарыстыба ситиитин биир сүрүн көрдөрүүтэ, киһи олоҕун уһатар кыаҕа, чөл сылдьыы уонна дьоҥҥо тирэҕи биэрии.

2021 сыллаахха пандемия ыарахан кэмигэр мин Доруобуйа уон сылын биллэрбитим. Биһиги онно тиһиктээх уларыйыылары саҕалаабыппыт, Саха сиригэр дьон доруобуйата мэдиссиинэ боппуруоһунан эрэ буолбакка, сиэрдээх буолуу, демография, өрөспүүбүлүкэ тирэхтээх буолуутун эмиэ көрдөрөр. Бүгүҥҥү күҥҥэ бу сөптөөх суол ылыныллыбыт диэн көстөр. Биһиги көннөрү инфраструктураны эрэ саҥардыбакка, бастакы звенону бөҕөргөттүбүт. Биһиги доруобуйа харыстабылын саҥа мадьыалыгар тирэҕи уурдубут, манна мэдиссиинэ киһиэхэ чугас буолла.

Онон 2030 сылга киһи олоҕо 80 сааска тиийэригэр саҥа кэрдииһи туруорабын. Биһиги дойдуга бастыҥнар кэккэлэригэр киирэр доруобуйа харыстабылын систиэмэтин оҥоруохтаахпыт», — диэн Ил Дархан Айсен Николаев эттэ.