Ил Дархан Айсен Николаев Үрүҥ Тунах ыһыаҕынан эҕэрдэлиир

Ытыктабыллаах Саха сирин олохтоохторо уонна ыалдьыттара!

Эһигини Үрүҥ Тунах ыһыаҕынан истиҥник эҕэрдэлиибин!
Бу сырдык уонна үөрүүлээх бырааһынньыкпытын биһиги сыл ахсын долгуйа кэтэһэбит. Ыһыах айылҕа уһуктуутун, саҥа олоҕу, көлүөнэлэр быстыбат ситимнэрин кэрэһилиир. Бу күн биһиги чугас дьоммутун, доҕотторбутун кытта үөрүүбүтүн үллэстэбит, бука бары биир улахан дьиэ кэргэн курдук түмсэн сайыны көрсөбүт. Ыһыах кэмигэр ыалдьыттарбытыгар төрүт үгэспитин, ураты култуурабытын көрдөрөбүт, истиҥ баҕа санааларбытын этэбит.
Дойдубут Президенэ Владимир Путин киэҥ-нэлэмэн Россиябыт хас биирдии норуотун култуурата, үгэһэ, тыла-өһө суолталааҕын уонна наадалааҕын элбэхтэ бэлиэтиир, чуолаан эттэххэ, хас биирдии норуот харыстаан илдьэ сылдьар уонна сайыннарар култууратын, үгэһин, тылын-өһүн эгэлгэтэ дойдубут национальнай бэлиитикэтинсүрүн тутулунанбуолар.
Оттон быйылгы ыһыахпыт РоссияҕаНоруоттар сомоҕолоһууларынсылыгар уоннаСаха ӨрөспүүбүлүкэтигэрКултуура сылыгар ананар.Сомоҕолоһуу уонна Култуура сылындириҥ суолтатабиһиги өрөспүүбүлүкэбит мэлдьи норуоттар доҕордоһууларын уонна бэйэ-бэйэлэригэр ытыктабыллаах сыһыаннарын холобурунан буолар, манна 135 араас омук иллээхтик уонна эйэлээхтик олорор. Оттон хотугу норуоттарбыт култууралара – биһиги киэн туттар уонна харыстыыр үйэлээх баайбыт.
Ыһыах дьону омугуттан, итэҕэлиттэн уонна сааһыттан тутулуга суох үтүөнү уонна сырдыгы тула мунньар. Ыһыах – култуурабыт тыыннаах көстүүтэ, ааспыты да, баары да кэрэһилиир кэрэкөстүүтэ.Манна хас биирдии сиэр-туом, ырыа-тойук, оһуохай эргиирэ – бу барытаүйэтититиллибитүгэспитинэн буолар.Өрөспүүбүлүкэбитигэр биллэриллибитКултуура сыла хас биирдиибитигэр төрдүбүтүн-ууспутун билэрбитигэр, үйэлээх үгэспитин умнубакка илдьэ сылдьарбытыгар төһүү буоллун!
Үгэс курдук ыһыахтарСахабыт Сирин араас муннуктарыгар ыһыллаллар. Ааспыт 2025 сылга Туймаада ыһыаҕа 210 тыһыынча киһини түмпүтэ. Донецкай Норуодунай Өрөспүүбүлүкэттэн, Казахстантан, Кытайтан уонна Индияттан тиийэ ыалдьыттар кэлбиттэрэ.Бэс ыйын 27-28 күннэригэр Үс Хатыҥ ытык сиригэр Туймаада Ыһыаҕа 29-с төгүлүн ыытыллыаҕа.ОлоҥхоҮһүс Уон сылын арыйар ыһыах от ыйын 4-5 күннэригэр Кэбээйи улууһугар ыытыллыаҕа.
Норуот тылынан уус-уран айымньыта – олоҥхо төһө даҕаны сурукка тиһиллибэтэҕин иһин, хас биирдиитэ 10 тыһыынчаттан 50 тыһыынчаҕа тиийэ устуруокалаах айымньыны олоҥхоһуттарбыт өйдөрүгэр тутанүйэтиппитсүдү кылааттара,бу бүгүн, Култуура сылыгар саҥа тыыннанан биһиэхэтөрүт култуурабытын умнубаккахарыстаан илдьэ сылдьарбытынсанатар.
Ыһыах саха төрүт үгэһин уонна аныгы олоҕу ситимниир, Россия норуоттарыгар ыытыллар саамай киэҥ хабааннаах бырааһынньыгынан буолар, Россия араас куораттарыгар уонна тас дойдуларга олорор сахалар ыһыах сиэрин-туомун тутуһан айылҕаларыгар сүгүрүйэн ыыталлар.
Бу күннэргэ сир-сир аайы алгыс этиллиэҕэ, оһуохай үҥкүүтэ барыбытын түмүөҕэ. Үрдүк Айыыларбыт алгыстара дойдубутун көмүскүү сылдьар буойуннарбытын араҥаччылаатын, күүстэригэр күүс эбэн кыайыыны аҕаллын!
Күндү доҕоттор! Эһиэхэ эйэни уонна этэҥҥэ буолууну, кытаанах доруобуйаны уонна ситиһиилэри, чэгиэн туругу уонна дьолу баҕарабын! Ыһыах сырдык, ыраас эйгэтэ инникигэ эрэлбитин үксэттин, улуу Россиябыт уонна тапталлаах Сахабыт сирин туһугар киэн туттууну сүрэхпитигэр иҥэрдин. Уруй-туску!

Саха Өрөспүүбүлүкэтин Ил Дархана Айсен Николаев