Ил Дархан мунньаҕа: Беларусьтыын бииргэ үлэлээһин, таас чох уонна снайпердар күрэхтэрэ

Алтынньы 5 күнүгэр Саха сирин Ил Дархана Айсен Николаев бырабыыталыстыба чилиэннэрин кытта былааннаах мунньах ыытта. Манна Беларусь Өрөспүүбүлүкэтигэр айан түмүктэрин, ону тэҥэ чугастааҕы нэдиэлэҕэ сүрүн соруктары дьүүллэстилэр.

Ил Дархан бэлиэтээбитинэн, Минскэйгэ айан түмүгүнэн хайа уруудатын, тыа уонна хомунаалынай хаһаайыстыбаҕа аналлаах тиэхиньикэни аҕалыыга, ону тэҥэ гуманитарнай эйгэҕэ хас да суолталаах дуогабар баттанна. Бу Арассыыйа уонна Беларусь, ол иһигэр Саха сирин ситимин бөҕөргөтөргө туһаайыллар.

Арассыыйа Бырабыыталыстыбата 2050 сылга диэри таас чох бырамыысыланнаһын сайыннарар бырагырааманы саҥардар. Айсен Николаев Саха сиригэр таас чоҕу хостооһун көрдөрүүлэрин булгуччу толорорго, саҥа технологиялары киллэрэргэ уонна саҥа сирдэри олоххо киллэрэргэ сорудахтаата.

Социальнай гаастааһын бырагырааматыгар федеральнай бүддьүөттэн эбии 1,2 млрд солкуобай көрүлүннэ. Онтон Саха сирин сайаапкатынан өрөспүүбүлүкэҕэ 22 мөлүйүөн солкуобай кэлиэҕэ.

Сэбиэскэй Сойуус Дьоруойа Ф.М. Охлопков сырдык аатыгар аналлаах байыаннай снайпердар IV Аһаҕас норуоттар икки ардыларынааҕы турнирдарын үрдүк таһымҥа ыытарга сорудах бэрилиннэ. Бу — бүтүн Арассыыйатааҕы таһымнаах улахан тэрээһин.Үөрэх тэрилтэлэрэ маркетплейстар нөҥүө судаарыстыба сакааһын оҥороллорун көҕүлүүр туһунан этилиннэ. Бу сакаас оҥоруутун дьэҥкэ уонна түргэн оҥоруоҕа. Мунньахха ону таһынан Ил Түмэн сиэссийэтигэр бэлэмнэнии, уматыгынан хааччыйыы, хотугу таһаҕас  уонна тыа хаһаайыстыбатын үлэтин түмүктээһин боппуруостара көрүлүннүлэр.

«Сыл бүтэһик кыбаартала саҕаланна. Федеральнай үбү сөпкө уонна толору туһаныыга, былаас уорганнарын үлэтэ улахан болҕомто ууруллуохтаах», — диэн түмүктээтэ Айсен Николаев. Сиһилии: https://www.sakha.gov.ru/news/65407