ВИДЕО: Илиилэрин сылааһынан саха ыччатын арчылаан 

Куокуйдааҕы «Надежда»  холбоһук үһүс сылын байыаннай таҥаһы тигэ олорор.

Кэлбит матырыйаалынан тигэ охсон, ыйга иккитэ ыытан иһэллэр. Бу 2026 сылга 12 дюспо, 7 х/б көстүүм, 17 ис таҥас, 7 ардахха кэтиллэр кэмпилиэк, ону таһынан 47 тактическай ырбаахы, 45 футболка, 14 флис куурка, 25 бэргэһэ, 31 балаклава уонна  подкастник, снуд, куурка, аптамаат уоһугар туттуллар хахха тигилиннэ.

Саха Өрөспүүбүлүкэтин күнүн көрсө муус устар 21 күнүн туругунан 63 кэмпилиэк уонна 214 устуука таҥас  баһыылкаланан, Саввина И.Е. салайааччылаах «Илии сылааһа» иистэнэр сыахха ыытылынна. Ити курдук “Надежда” иистэнньэҥнэрэ илиилэрин сылааһынан саха ыччатын арчылыы олороллор.

Ираида Софронеева, Куокуй, Кэбээйи улууһа.

Видеоҕа: Куокуй иистэнньэҥнэрэ