Инчэҕэй хаар, күүстээх тыал, күнүс +4°С

УГМС саайтын дааннайынан, бүгүн, муус устар 14 күнүгэр, үгүс улуустарынан сөҥүүтэ суох буолуоҕа. Оттон соҕуруу, илин, соҕуруулуу-арҕаа өттүгэр кыралаан, күнүс Ленскэй улууһугар орто күүстээх инчэҕэй хаар түһэрэ күүтүллэр.

Түүнүн тыал соҕуруу улуустарга уонна Арктика кытылынан сөкүүндэҕэ 9-14 м. диэри күүһүрүөҕэ.

Салгын температурата түүнүн -13-18°, соҕуруулуу-илин -5-10°, хотугулуу-арҕаа, хотугулуу-илин -25-30° кыраадыс тымныы. Күнүһүн -1,+4°, арҕаа, хотугулуу-арҕаа -1-6°, хоту, хотугулуу-илин -6-11° кыраадыс сөрүүн буолуоҕа.

Дьокуускай куоракка салгын температурата түүн -16-18°, күнүһүн -1…+1° кыраадыс сылаас буолуоҕа. Сүрүннээн сөҥүүтэ суох,  тыал хотугулуу-арҕааттан 3-8 м. түргэннээх буолуоҕа.