Инчэҕэй хаар түһэр, күнүс -1-6° кыраадыс

Үгүс улуустарынан бүгүн, алтынньы 22 күнүгэр, кыралаан хаар түһэрэ күүтүллэр, арҕаа оройуоннарга сорох сирдэринэн хаардыыр, күнүһүн сорох сирдэринэн инчэҕэй хаар түһэрэ сабаҕаланар.

Тыала орто күүстээх, арҕаа улуустарга сорох сирдэринэн сөкүүндэҕэ 9-14 миэтэрэҕэ тиийэ күүһүрэр, күнүһүн Арктика кытылынан 15-20 м/с диэри күүһүрүөҕэ, тибиилээх буолуоҕа.

Салгын температурата түүн -3-8°, халлаан былыта суох буоллаҕына -10-15°, хотугулуу-илин -19-24°, хотугулуу-илин хайалаах сирдэринэн -24-29°. Күнүһүн -1-6°, соҕуруулуу-арҕаа 0,+5°, хотугулуу-илин -6-11° буолуоҕа.

Дьокуускай куоракка түүн -7-9°, күнүһүн -1-3° кыраадыс. Түүн кыралаан хаар түһэр, күнүс сөҥүүтэ суох буолуоҕа. Суолга халтараан. Тыала хотугулуу-илинтэн сөкүүндэҕэ 2-7 миэтэрэ түргэннээх.