Кириэмилгэ Арассыыйа бастыҥ бойобуой ускуустубалар бэрэстэбиитэллэрин наҕараадалаатылар

Кириэмил дыбарыаһыгар бойобуой ускуустубалар эйгэлэригэр «Көмүс кур»/«Золотой пояс» XVI Национальнай бириэмийэни туттарыы сиэрэ-туома ыытылынна.

Тэрийээччинэн Арассыыйатааҕы Бойобуой ускуустубалар сойуустара буолла. Дойду сүрүн сыанатыгар 16 лауреат таҕыста. Устуоруйаҕа иккис төгүлүн бириэмийэ спортивнай аренаҕа эрэ бэйэлэрин чаҕылхайдык көрдөрбүт буолбакка, анал байыаннай дьайыы зонатыгар Ийэ дойдуларын көмүскүү сылдьар күрэс бэрэстэбиитэллэригэр туттарылынна.

Сиэри-туому саҕалыыр улахан тэрээһин иннинэ РФ Бэрэсидьиэнэ Владимир Путин туһаайыытын Арассыыйа Федерациятын Бэрэсидьиэнин дьаһалтатын салайааччытын бастакы солбуйааччыта, Арассыыйатааҕы Бойобуой ускуустубалар сойууһун тэҥҥэ салайааччыта, Айкидо Айкикай 6 Данын хаһаайына Сергей Кириенко ааҕан иһитиннэрдэ.

Владимир Путин бэйэтин туһаайыытыгар «Көмүс кур» бириэмийэ сүүрбэттэн тахса сыл тухары талааннаах спортсменнарга, тириэньэрдэргэ уонна настаабынньыктарга, тэрийээччилэргэ, уопсастыбаннай диэйэтэллэргэ бэриллэрин бэлиэтээтэ. Ол эбэтэр, бэйэлэрин ситиһиилэринэн, дьулуурдаах уонна наадалаах үлэлэринэн биһиги дойдубутугар бойобуой ускуустубалары сайыннарарга кылааттарын киллэрэр, ыччаты физкултууранан дьарыктанарга угуйар дьоҥҥо. Ордук чуолаан, лауреаттар ортолоругар Ийэ дойдубутун чиэстээхтик көмүскүүр анал байыаннай дьайыы кыттыылаахтара баалларын тоһоҕолоон эттэ.
РФ Бырабыыталыстыбатын Бэрэссэдээтэлин солбуйааччыта — Уһук Илин федеральнай уокурукка РФ Бэрэсидьиэнин боломуочуйалаах бэрэстэбиитэлэ, Арассыыйатааҕы Бойобуой ускуустубалар сойууһун тэҥҥэ салайааччыта, Киокусинкай 7 Данын хаһаайына Юрий Трутнев маннык эттэ:

«Биһиги 20-тэн тахса сыл анараа өттүгэр «Арассыыйатааҕы Бойобуой ускуустубалар сойуустарын» тэрийбиппит. Биһиги РСБИ уонна киниэхэ киирэр федерациялар бары — бу дойдубут күүһэ-уоҕа диэн өйдөбүлтэн сирдэппиппит. Биһиги бииргэ буоллахпытына, бу күүс улахан дьыалалары оҥорор кыахтаах. Арассыыйатааҕы Бойобуой ускуустубалар сойууһа «СОЮЗ» этэрээти тэрийбитэ. РСБИ бу этэрээтин уолаттара билигин кыргыһыы инники лииньийэтигэр бааллар. Миигин кытта сэргэстэһэ Рамиль Габбасов турар. Кини «Союз» этэрээти тэрийэр сорудаҕы ылаат, миэхэ кэлбитэ уонна сэриигэ бэйэм сылдьыбакка эрэ дьону ыытар кыаҕым суох диэбитэ, онуоха көҥүллүүрбэр көрдөспүтэ. Кини сэриилэһэн, билигин төннөн кэллэ. Арассыыйатааҕы Бойобуой искусстволар сойууһа уонна кини састаабыгар киирэр бары салаалар ураты суолталаахтар. Биһиги олимпийскай көрүҥнэр былаһааккаларыгар туох буола турарын көрөбүт — онно аһаҕаһа суох буолуу, баттабыл баар. Биһиги спортсменнарбыт маны кытта мэлдьи көрсөллөр. Бойобуой ускуустубаларыгар арыый судургу. Бу көрүҥнэр үксүлэрэ олимпийскай бырагыраамаҕа киирбэттэр. Ол оннугар норуоттар икки ардыларынааҕы күрэхтэһиилэр бырагыраамаларыгар бааллар. Оттон Арассыыйа бойобуой ускуустубалар эйгэлэригэр хайдах баарын курдук, билигин даҕаны аан дойду саамай күүстээх дойдутунан хаалар».

«КӨМҮС КУР» бириэмийэ  2026 сылга лауреаттара:

• «Сыл бастыҥ спортсменката» — Сударикова Алина Александровна (Арассыыйа джиу-джитсуга федерацията).
• «Сыл бастыҥ спортсмена» — Шахтарин Константин Сергеевич (Арассыыйа муайтайга федерацията).
•  «Сыл бастыҥ настаабынньыга» — Конаков Александр Владимирович (Бүтүн Арассыыйатааҕы самбо федерацията).
• «Сыл саамай чаҕылхай кыайыыта» — Бондаренко Кирилл-Зуи Александрович (Арассыыйа ушуга федерацията).
• «Үгэскэ бэриниилээх буолуу» — Гатауллин Рашит Мугалимович (Арассыыйатааҕы Айкидо национальнай Сүбэтэ).
• «Талбыт суолга бэриниилээх буолуу» — Органов Юрий Михайлович (Арассыыйа кобудзюцуга федерацията).
• «Бойобуой ускуустубалар сайдыыларыгар кылаат» — Владимиров Денис Владимирович (Арассыыйа бирма боксатыгар федерацията).
• «Бойобуой ускуустубалар бастыҥ оскуолалара» — «Георгий Победоносец» спортивнай кулууп (Иркутскай к., салайааччы Артём Мелкоступов).
• «Бойобуой ускуустубалар бастыҥ тэрилтэлэрэ (федерациялара)» — Арассыыйа Киокушин федерацията (Москва к., салайааччы Александр Алымов).

Бириэмийэ анал аата — «Аҕа дойду сулууспатыгар»:

Кириэмил дыбарыаһын саалатыгар мустубут дьон бүгүн саа-саадах тутан Ийэ дойдубут кирбиитин көмүскүүр бойобуой ускуустуба маастардарын туран эҕэрдэлээтилэр.

• Якубов Ярослав Наильевич — полковник, Арассыыйа Федерациятын Дьоруойа, Донецкай Норуодунай Өрөспүүбүлүкэтин Дьоруойа, Хорсун быһыы уордьанын кавалера.
• Сапрыкин Андрей Викторович — старшина, Хорсун быһыы уордьанын үс төгүллээх кавалера, II истиэпэннээх «Хорсун быһыытын иһин» мэтээлинэн наҕараадаламмыт.
• Скляров Илья Игоревич — сатршай лейтенант, Хорсун быһыы уордьанын кавалера, II истиэпэннээх «Аҕа дойду албан аатын иннигэр үтүөлэрин иһин» уордьан мэтээлинэн наҕараадаламмыт.
•  Кожухов Артём Андреевич — балыс сержант, Хорсун быһыы уордьанын кавалера.
•  Артеменко Алексей Александрович — сержант, Хорсун быһыы уордьанын кавалера, Жуков мэтээлинэн наҕараадаламмыт.
• Рословтар династиялара — Павел Александрович (рядовой, Хорсун быһыы уордьанын кавалера) уонна кини бииргэ төрөөбүтүн уола Никита Михайлович (аҕа лейтенант, Хорсун быһыы уордьанын кавалера, II истиэпэннээх «Хорсун быһыытын иһин» мэтээлинэн наҕараадаламмыт).

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата

Сиһилии: https://www.sakha.gov.ru/news/67323