Клещкэ ытыртарыы 464 түбэлтэтэ бэлиэтэммит

Роспотребнадзор Саха сиринээҕи салаатын чахчыларынан,  от ыйын 1 күнүнээҕи туругунан өрөспүүбүлүкэҕэ   клещкэ ытыртарыы 464 түбэлтэтэ  бэлиэтэммит. 

Ол курдук, улуустарынан ылан көрдөххө, клещкэ ытыртарыы  саамай элбэх түбэлтэтэ Ленскэй улууһугар тахсыбыт. Уопсайа  225 түбэлтэ. Алдаҥҥа  – 75, Өлүөхүмэҕэ  – 63, Нерюнгрига  — 37, Хаҥаласка – 10, Мэҥэ Хаҥаласка  – 4, Аммаҕа, Сунтаарга, Тааттаҕа, Чурапчыга — үстүү, Мииринэйгэ, Уус Маайаҕа — иккилии, Бүлүүгэ, Намҥа, Ньурбаҕа, Кэбээйигэ — биирдии итиэннэ Дьокуускай куоракка 30 түбэлтэ бэлиэтэммит.

Клещкэ ытыртарбыт 464 киһиттэн 191-гэр серопрофилактика ыытылынна, 138 киһи эрдэ клещ энцефалитыттан быһыы туруортарбыт. Суһал ыстаап дааннайынан, барыта   13499 киһи быһыы ылбыт, ол иһигэр 2668 оҕо.