«Күөрэгэйи» истиэҕиҥ

Тулагыга култуурабыт киинэ Мария Петровна Обутова-Эверстова аатын үйэтитэр сыаллаах «Күөрэгэй» драманы аудиоҕа устан испэктээк оҥордо.

Мария Петровна саха дьахталларыттан бастакы драматург, талааннаах суруйааччы. ​Кини «Күөрэгэй» диэн лирическэй драматын биһиги култуурабыт киинин сэбиэдиссэйэ Максим Пантелеймонович Игнатьев үйэлэргэ хааларын курдук аудиоҕа устан испэктээк оҥоруохха диэн этии киллэрбитэ.

Испэктээги куоласка устуутун, таҥыытын тыаһы-ууһу таҥааччыбыт Михаил Зацепин оҥордо. Киэргэтиитигэр Ульяна Бурнашева, Айсена Федорова, Михаил Зацепин үлэлээтилэр. Оруолларга биир дойдулаахтарбыт, култуура киинин үлэһиттэрэ уонна Арчы дьиэтиттэн кэлэн оонньоотулар.

Сүрүн оруолу – Күөрэгэйи, Тулагы орто оскуолатын алын сүһүөх кылааһын учуутала Июлия Григорьева толордо. Кэпсээнньит Ульяна Бурнашева буолла. Омоҕой Баайы Иван Федоров толордо. Намыйа — Александра Харитонова, Нарыйа — Айсена Федорова, Эллэй — Сандал Захаров буоллулар. Кыттыыны ылбыт дьоммутугар дириҥ махталбытын тиэрдэбит. Бу бырайыакка кыттыы ытык киһибит аатын үйэтитэргэ, айымньытын тарҕатарга, эдэр көлүөнэҕэ тиэрдэргэ улахан суолталаах.

Аудионан испэктээк 50 мүнүүтэлээх. Бу сигэнэн киирэн истиэххэ сөп: https://vk.ru/wall756735348_300

М.П. Обутова-Эверстова аатынан култуура киинин исписэлиистэрэ

Хаартыска култуура кииниттэн.