Күннээҕи гороскоп: кулун тутар 28 күнэ

Субуота – дьиэ кэргэн, сынньалаҥ уонна дьиэ-уот үлэтин күнэ.Сулустар тугу да сүбэлээбиттэрин иһин, киһи дьылҕата – кини бэйэтин илиитигэр!

Хой

Бүгүн барытын биирдэ оҥороору тиэтэйимэҥ. Субуотаҕа дьиэ үлэтин барытын бүтэриэхпин наада диэн бэйэҕитин моһуоктаамаҥ. Өрөбүлгүтүн дьиэ кэргэҥҥитин кытта чуумпутук, ирэ-хоро кэпсэтэн атаарыҥ. Сүүрэри-көтөрү тохтотон, дууһаҕытын сылаанньытар дьарыкка бириэмэтэ булуҥ.

Оҕус

Дьиэҕэ-уокка сыһыаннаах кыһалҕалары быһаарарга саамай табыгастаах күн. Маҕаһыыҥҥа тахсан туһалаах мал, аһылык эбэтэр дьиэни киэргэтэр тэрил атыылаһыаххытын сөп – харчыгыт туһалаахтык барыаҕа. Киэһэ минньигэс аһы астаан, дьоҥҥутун үөрдүҥ.

Игирэлэр

Бүгүн сонун-нуомас, кэпсэтии үтүөтэ буолуоҕа. Ыраах олорор аймахтаргытыгар эбэтэр урукку доҕотторгутугар эрийэн кэпсэтиҥ. Ол эрээри, интэриниэккэ эбэтэр дьонтон истибит сурахха-садьыкка олус итэҕэйимэҥ, барытын толкуйдаан сыаналааҥ.

Араак

Дьиэҕитин-уоккутун көрүнэргэ, дьиэни хомуйарга бэртээхэй күн. Дьиэҕит иһэ ыраас, сырдык буоллаҕына дууһаҕыт уоскуйуоҕа. Киэһэтин соҕотох хаалан кинигэ ааҕарга эбэтэр сөбүлүүр киинэҕитин көрөргө бириэмэтэ анааҥ.

Хахай

Бүгүн болҕомто киинигэр буолуоххутун баҕарыаххыт. Бэйэҕитин көрүнэргэ, кэрэ дьүһүннэнэргэ, баттаххытын оҥотторорго сөптөөх бириэмэ. Ыалдьыттыы барарга эбэтэр доҕотторгутун дьиэҕитигэр ыҥырарга бэртээхэй субуота. Күлүү-үөрүү аргыстаныаҕа.

Кыыс

Доруобуйаҕытыгар уонна бэйэҕит туруккутугар болҕомтону ууруҥ. Элбэх харчыны ыскайдаамаҥ, туохха да наадата суох бытархай маллары атыылаһымаҥ – экономиялыыр кэм. Таһырдьа тахсан сибиэһэй салгыҥҥа хаамыҥ, сааскы салгынынан тыыныҥ.

Ыйааһын

Икки ардыгар сыһыаны тупсарарга табыгастаах күн. Кэргэҥҥитин эбэтэр чугас киһигитин кытта кыра этиһии, өйдөспөт буолуу таҕыстаҕына, бастакынан эйэлэһэр хардыыны оҥоруҥ. Дьиэҕэ биир санаанан дьаһанан үлэлээтэххитинэ барыта табыллыаҕа.

Скорпион

Дьиэҕитигэр улахан «генеральнай» хомуйууну оҥороруҥ. Наадата суох эргэ маллары, кэппэт таҥастары быраҕан эбэтэр дьоҥҥо түҥэтэн, саҥа сүүрээҥҥэ миэстэтэ таһаарыҥ. Итинтэн эһиги туруккут лаппа тупсуоҕа. Киэһэтин чуумпутук сынньаныҥ.

Охчут

Түөрт эркиҥҥэ хаайтаран олорумаҥ. Айылҕаҕа тахсарга, даачаҕа сылдьарга, хаар күрдьэргэ эбэтэр муус хомуйарга олус үчүгэй күн. Көхтөөх сынньалаҥ, эти-сиини хамсатыы эһиэхэ саҥа эрчими биэриэҕэ уонна санааҕытын көтөҕүөҕэ.

Чубуку

Өрөбүлгэ үлэҕит туһунан санаалары төбөҕүтүттэн таһаарыҥ. Дьиэ кэргэҥҥитигэр, оҕолоргутугар бириэмэҕитин аныыргыт ирдэнэр. Дьиэ дьонун кытта сүбэ-ама тэрийэн, кэлэр нэдиэлэҕэ инники былааннары торумнааҥ, бүддьүөккүтүн ааҕыныҥ.

Күрүлгэн

Айар-тутар дьоҕургут уһуктуоҕа. Дьиэҕэ алдьаммыт тиэхиньикэни өрөмүөннүүргэ, сыыппара эйгэтигэр (көмпүүтэргэ, төлөпүөҥҥэ) бэрээдэги олохтуурга эбэтэр туох эрэ ураты аһы астыырга санаммыт буоллаххытына – барыта сатаныаҕа.

Балыктар

Субуота күнү бэйэҕитигэр эрэ анааҥ. Үчүгэйдик сынньаныаххытыгар диэри утуйуҥ, тиэтэйимэҥ-айманымаҥ. Ыарахан үлэҕэ ылсыбакка, дууһаҕыт тугу баҕарарын истэн, ол курдук күнү атаарыҥ.